Tag Archives: asturiano

“El llibru póstumu de Sherezade”, de Raquel F. Menéndez

11 May

Cubierta Sherezade

¿Cómo reformular la esperiencia de la tierra y del cuerpu frente a la falta? ¿Cómo facer un rellatu familiar cuando paez que ta condenáu a ser póstumu? Los poemes d’El llibru póstumu de Sherezade fáense estes entruges mentá traten de reconstruyir la identidá al traviés de la escritura.
Raquel F. Menéndez (Vallouta, Salas, 1993) ye graduada en Llingua Española y la so Lliteratura pela Universidá d’Uviéu. Cola so obra en castellán ganó nel añu 2013 el III Concursu Lliterariu de la universidá asturiana col llibru Libélula (2013) y participa nes antoloxíes Siete mundos (2015) y Poesía, alma del mundo (2014). Los sos poemes n’asturianu tán espublizaos en revistes como Formientu y Lliteratura. Nel añu 2016 ganó’l Premiu Nené Losada Rico con El llibru póstumu de Sherezade.

PREMIU DE POESÍA NENÉ LOSADA RICO 2016

ISBN 978-84-946384-4-2  / PVP 10,00€

Cola ayuda de la Conseyería d’Educación y Cultura del Principáu d’Asturies

 

Collacios inseparables

30 Dic

cubierta-collacios-inseparables

Diz un refrán que tener un amigu ye tener un tesoru. Será por eso que dalgunos siempre anden xuntos pela vida. Y nun ye cosa namás de les persones, como vas ver nesti llibru. El mundu ta enllenu de collacios inseparables.

Testu / ilustraciones: Marina Lobo
IBIC:  YBLA1 (Aprendizaxe tempranu: les primeres pallabres) / Prellectores (0 a 3 años)
Formatu: 16 x 16 cm. 24 páxs. color. Tapa dura
ISBN: 978-84-944718-9-6
PVP: 10,00 euros

Cola ayuda de la Conseyería d’Educación y Cultura del Principáu d’Asturies

“A estaya”, de Sidoro Villa Costales

8 Sep

cubierta-a-estayaNun chigre perdíu aconceyen dellos personaxes castigaos pola vida, por cuenta una apuesta a beber sidra.  Apulmonaos pol pasáu y por un clima y un ambiente aforfugantes, caltienen un equilibriu precariu nel cantu del enfile y la traxedia.

En A estaya, l’allegría y el bon xuiciu intenten nun se fundir braciando ente foles de soberbia y de maldá, nun escenariu apocalípticu de vallines fonderes y bastiazos nel que la naturaleza, omnipresente, algama un papel protagonista.

Sidoro Villa Costales (Lieres, 1962) ye profesor de primaria, ilustrador y escritor. Atendiendo pa esi ámbitu, tien publicaos dellos llibros infantiles y xuveniles: Llibru de los suaños (Trabe, 2007), ¡Nun-yos tengas perceguera! (Trabe, 2006 y 2016), Mael al debalu (vtp, 2010), Evaristo Valle, el pintor del antroxu (Universos, 2011). A estaya ya la so primer novela asoleyada.

ISBN 978-84-944718-5-8
PVP 10,00 euros

Pedidos: http://ow.ly/WquP3054FN9

“Cápsules de tiempu”, de Carlos González Espina

3 May

Portada Cápsules¿Cómo nos verán d’equí a cien años? ¿Qué queda de nós si quites el tiempu que fuxe, los llugares onde vivimos, les pallabres que gastamos o la tecnoloxía que nos arrodia? ¿Hai dalguna identidá personal o territorial per detrás d’estos y d’otros complementos circunstanciales? Les respuestes a eses preguntes —si ye que les hai— namás les atoparán los llectores ente un sacu enllenu con retales de vides, histories y cuentos, xuníos por esi filu delicáu que cose’l pasáu al futuru.

Carlos González Espina (Belonciu, Piloña, 1959), llicenciáu en Lliteratura, trabaya dende 1986 na Fundación Municipal de Cultura de Xixón. Los llibros fueron siempre’l so entretenimientu preferíu. Aparte de lleelos, présta-y xugar a escribilos, traducilos o editalos.

Alicia Varela (Xixón, 1974), llicenciada en Belles Artes, ye diseñadora gráfica y ilustradora de llibros infantiles y prensa. El arenque rojo, con testu de Gonzalo Moure, escoyéronlu meyor álbum ilustráu nel suplementu Babelia de El País y ta seleccionáu pa la Bienal de Bratislava en 2015.

VII Premiu María Josefa Canellada de Lliteratura Infantil y Xuvenil

ISBN 978-84-942941-9-8

PVP: 10,00 euros

Promueve: Conseyería d’Educación, Cultura  y Deporte del Principáu d’Asturies

“Caleya Sésamu. El papel de la televisión na tresmisión interxeneracional d’una llinguia”, de Damián Barreiro

3 May

Cubierta Caleya SésamuEn cualquier escuela asturiana puede comprobase que Mickey Mouse ye más famosu que Pelayo; que Dora the Explorer tien más devotos que la Santina; y qu’hai más xente que conoz les aventures de Pocoyó que les de Gonzalo Peláez. Agora los mitos que se deprienden son los que salen na televisión. Hai neños asturianos que nun saben lo que ye un trasgu, un busgosu o una xana, pero son quien a dicir de corrío tolos personaxes de la serie Digimon.

Damián Barreiro (A Estrada, Pontevedra, 1984) ye llicenciáu en Periodismu pola UPV/EHU. Depués de formar parte de la plantiya del selmanariu Les Noticies y del diariu dixital Asturies.com, collaboró con otros medios de comunicación, como la Televisión Local de Xixón, el periódicu Diagonal Asturies, les revistes Atlántica XXII, Anuariu de la Música Asturiana o Vértigü, amás del diariu La Nueva España na so sección «Escolinos». Nel añu 2013 ganó’l Premiu d’Ensayu «Fierro Botas», convocáu pol Conceyu de Xixón, y en 2014 el d’Investigación Llingüítica de l’Academia de la Llingua Asturiana.

VII Premiu Máximo Fuertes Acevedo d’Ensayu

ISBN 978-84-942941-8-1

PVP: 10,00 euros

Promueve: Conseyería d’Educación, Cultura  y Deporte del Principáu d’Asturies

“L’aire ente la rama”, d’Ángeles Carbajal

30 Abr

Cubierta l'aire ente la ramaXX Premiu Xuan María Acebal de Poesía

En L’aire ente la rama brota la fonte tresparente de la infancia. Los sos versos tán compuestos cola música callada de los meyores poetes elexacos pero tamién cola fonda mirada de los simbolistes. Comparte con ellos el don de lleer —nel vuelu de les aves, na nieve que cai o nel ruxir de la fueya na seronda— les señes y mensaxes que per ende va escribiendo’l tiempu.

Ángeles Carbajal (Argüelles, Siero, 1959) ye llicenciada n’Historia del Arte pola Universidá d’Uviéu. Collaboradora de revistes como Clarín. Revista de nueva literatura y Anáfora. Creación y crítica, directora de talleres lliterarios, ye autora de los poemarios en castellán La caligrafía de la distancia (1993) y La sombra de otros días (2002), asina como del poemariu n’asturianu En campu abiertu, col que ganó en 2012 el Premiu Teodoro Cuesta de Poesía.

ISBN 978-84-942941-7-4

PVP: 10,00 euros

Promueve: Conseyería d’Educación, Cultura y Deporte del Principáu d’Asturies.

“Fabules humanes”, de Pablo Antón Marín Estrada

22 Mar

Cubierta fábules

Fábules humanes ye un conxuntu afilvanáu de narraciones breves nes que l’autor busca una manera d’amañar les esmoliciones de la so esistencia cotidiana, los trabayos y los díes d’una vida desordenada, al través del filtru de la lliteratura y de la memoria. Escamplen estes hestories del mundu de los vivos, los muertos, les pantasmes, el discursu que principien los suaños y les fontes, los llibros, les señaldaes comunes a tolos seres humanos. La sorpresa o el plasmu nun siempre son los protagonistas que lleven la sonrisa o’l preste final del llector, alcuando son malpenes los filos de la trama que caltienen esa necesidá, tan vieya ente los homes y muyeres, de pasar el tiempu y aguardar el momentu nel que too fina, contando histories y atendiendo pa elles como si fueren propies. Fábules humanes ensaya un formatu de narración breve qu’afale al llector a compartir la emoción y alcuando’l sentíu del humor colos que fueron escritos estos cuentos enfotaos en consiguir esa collaboración fundamental de la segunda persona a la que van dirixíos y ensin la que nun había tener sentíu obra lliteraria nenguna. Esti llibru, como toos, ye una propuesta de complicidá ente dos partes: autor y llector.

Pablo Antón Marín Estrada (Sama, Llangréu, 1966) ye autor de diversos llibros de poesía y narrativa. El so últimu títulu publicáu ye’l conxuntu de relatos Un palaciu enllenu d’ortigues (Suburbia, 2014). Arriendes de narrador, Pablo Antón Marín Estrada ye también periodista, traductor, lletrista musical y activista en tolos campos de la cultura asturiana. El llinguaxe cenciellu y la claridá son beneficios colos que Pablo Antón Marín nun va dexar de regalar nunca a los sos llectores. L’autor ye dueñu d’un universu propiu de referencies: el pasáu —delles veces tráxicu y delles veces máxicu—, la señaldá, el tiempu fuxío, pero tamién esos mundos perdíos na historia d’una vida, eses vides que pasen y desapaecen al par nuestru de contino.

 

Impronta
ISBN 978-84-942941-6-7
PVP: 10,00 euros

“Magaya”, de Alejandro Fernández-Osorio

2 Nov

Magaya Premiu de la CríticaEn Magaya el llector sigue’l procesu d’una vuelta emocionada ya irónica al orixe. Con mirada cariñosa pero nada afalagadora’l poeta muestra l’interior d’una vida que ye trabayu y amor a la tierra. Lloñe del costumismu y el coloríu folklorista, Magaya entra nel corazón del arte, onde se mezcla la durez dela gaspia cola la esperanza tienro de la semiente. Colos matices de quien conoz los recursos d’una llingua popular rica constrúyese un ambiente reconocible d’una materialidá tan histórica como recreada. Una manera evocadora d’entrar na historia pequeña de quien al dise dexa tres de sí la puerta apenes entornada.

En Magaya el lector va seguir el proceso de una vuelta emocionada e irónica a los orígenes. Con mirada afectuosa pero nada complaciente el poeta muestra los entresijos de una vida que es trabajo y amor a la tierra.  Lejos del costumbrismo y el colorido folklorista, Magaya entra en el interior del arte, donde se mezcla la dureza del corazón de la manzana con  la esperanza tierna de la semilla. Con los matices de quien conoce los recursos de una lengua popular rica se construye un ambiente reconocible de una materialidad tan histórica como recreada. Una evocadora manera de entrar en la historia pequeña de quien al irse deja tras de sí la puerta apenas entornada.

Alejandro Fernández-Osorio (Villayana, Asturies, 1984). Llicenciáu en Psicoloxía pola Universidá de Salamanca y especialista en Psicoterapia Psicoanalítica, ye Máster en Estudios Lliterarios pola Universidá Complutense de Madrid. En 2008 publica’l so primer poemariu, La exactitud del instante; en 2012 apaez Frontería —Premiu Asturias Xoven de Poesía 2011—. Magaya ye’l so tercer poemariu asoleyáu.

Alejandro Fernández-Osorio (Villayana, Asturias, 1984). Licenciado en Psicología por la Universidad de Salamanca y especialista en Psicoterapia Psicoanalítica, es Máster en Estudios Literarios por la Universidad Complutense de Madrid. En 2008 publica su primer poemario, La exactitud del instante; en 2012 aparece Frontería —Premio Asturias Joven de Poesía 2011—. Magaya es su tercer poemario publicado.

[ Xosé Bolado]

Impronta
ISBN 978-84-942941-4-3
PVP: 12,00 euros

 

“La bona intención / La buena intención”, de Xosé Bolado

29 Ago

La bona intención / La buena intención ye una sutil aventura introspectiva. Les ventanes qu’abre esti llibru allumen un espaciu que ye personal pero que ye’l de cualesquiera. El llector va facer nes sos páxines un viaxe al corazón de les hores y les coses, al infatigable y firiente cursu de los díes, a los intorgables daños y engaños que’l pasu y el pesu del tiempu aveza a dexar en nós. Somos de fixo una suma de negaciones y afirmaciones y nada como les pallabres pa ser quien a interpretar los nuestros silencios.

Xosé Bolado (Uviéu, 1946), llicenciáu en Filoloxía Románica y académicu de la Llingua Asturiana, ye autor d’estudios y ediciones sobre lliteratura asturiana y castellana, ente los que destaquen Antoloxía poética del Resurdimientu (Atenéu Obreru de Xixón, 1989) y los cinco volúmenes de la Obra Reunida de Rosario de Acuña y Villanueva (KRK, 2007–2009). Publicó tamién llibros de poesía en castellanu y asturianu: Línea imperceptible al temor (Atenéu Obreru de Xixón, 1988); Conxura contra la decadencia (Llibros del Pexe, 2002) y Na estación de los relevos (Llibros del Pexe, 2006). Emilio Coco traduxo y publicó n’italianu, nos Quaderni della Valle de Bari, dos títulos de Xosé Bolado: Nomade (1991) y Antologia poetica (2005), esta n’edición billingüe.

Impronta / Carta blanca (Edición bilingüe asturiano-castellano)

ISBN 978-84-940205-2-0     PVP: 10,00 euros

El Cuaderno

cuaderno digital de cultura

PERROS EN LA PLAYA

editorial de nueva literatura

Anaqueles polvorientos

editorial de nueva literatura

blog de CRISTIAN DAVID LÓPEZ

editorial de nueva literatura

Antón Castro

editorial de nueva literatura

Blog de Felipe Benítez Reyes

editorial de nueva literatura

FUEGO CON NIEVE

editorial de nueva literatura

Rima interna

editorial de nueva literatura

La Tormenta en un Vaso

editorial de nueva literatura

Libros y Bitios

editorial de nueva literatura

Paco Huelva

VISIONES DESDE EL SUR

editorial de nueva literatura

Argumentos en busca de autor

editorial de nueva literatura

Puentes de papel

editorial de nueva literatura

Blog de Álvaro Valverde

editorial de nueva literatura

ALMA EN LAS PALABRAS

editorial de nueva literatura

Hemeroflexia

editorial de nueva literatura

Blog de Rafael Reig

editorial de nueva literatura

CRISIS DE PAPEL

editorial de nueva literatura