Llibros infantiles-Asturianu

“Capiellina colorada, el llobu feroz y el gatu les botes”, de Charles Perrault y David G. Ferrero

Cubierta Capiellina colorada

Hai munches maneres de contar un cuentu, anque los cuentos de siempre préstanos que nos los cuenten como siempre, igual que la primer vez. Eso precisamente yera lo que taba faciendo l’autor con esti Capiellina colorada y el llobu feroz, cuando, de sópitu, metióse nél un intrusu inesperáu.

Versión en llingua asturiana d’Irene Riera. Ilustraciones de David G. Ferrero.

ISBN 978-84-120609-2-8 / PVP 12,00 € / Pa llectores dende los 5 años / IBIC YBC – YFJ / Álbum ilustráu, tapa dura, 23 x 23 cm / Cola ayuda de la Conseyería d’Educación y Cultura del Principáu d’Asturies

 


“Ricinos doraos y los tres osos tranquilos”, de Robert Southey y María Perera

Cubierta Ricinos doraos

La neña rizosa y revolvina que protagoniza esti cuentu ye mui amiga de facer descubrimientos nel so tiempu llibre. Nada-y presta más qu’investigar nésto y naquéllo y esclucar pequí y pellí. Pero delles veces valía-y más dir con cuidáu. Por exemplu, nunca ye bona idea metese en casa de desconocíos ensin el so permisu. Suerte qu’esta vez los dueños yeren una familia d’osos mui pacíficos y tranquilos.

Versión en llingua asturiana d’Irene Riera. Ilustraciones de María Perera.

ISBN 978-84-949873-8-0 / PVP 12,00 € / Pa llectores dende los 5 años / IBIC YBC – YFJ / Álbum ilustráu, tapa dura, 23 x 23 cm / Cola ayuda de la Conseyería d’Educación y Cultura del Principáu d’Asturies

 


“Vida nel campu”, de Berta Piñán y Alberto Pieruz

La protagonista d’esti cuentu ta acabante descubrir lo prestoso que ye facese mayor na ciudá pero, por circunstancies, tien que marchar cola so familia a vivir nel campu. Ella pensaba qu’ellí la vida diba ser tamién igual o más prestosa que lo yera na ciudá, pero…

Les neñes y los neños que s’animen a adientrase nesti preciosu llibru —precisamente escritu pola poeta Berta Piñán y guapamente ilustráu por Alberto Pieruz— van garrar fuerte la mano de la protagonista pa facer un viaxe aniciáticu onde nun faltarán les sorpreses pero, sobre too, delles llecciones vitales qu’enxamás serán a escaecer.

L’autora quixo dedicar esta exemplar historia a «les neñes y los neños que busquen un llugar a salvo de la violencia, del odiu y de la guerra».

X Premiu «María Josefa Canellada» de Lliteratura Infantil y Xuvenil. Promueve: Conseyería d’Educación y Cultura. Dirección Xeneral de Planificación Llingüística y Normalización. Editen: Conseyería d’Educación y Cultura / Impronta
ISBN 978-84-948795-7-9 / PVP 15,00€

 


“Pallabres pa Martín”, de Cristian David López y Begmont

Portada Pallabres pa Martín-PromociónComo güei ta lloviendo, el pequeñu Martín nun pue salir a pasiar. El pá entós entretiénlu contándo-y histories de cuando yera neñu, allá nel Paraguay, un país de viesques grandísimes onde viven l’armadillu, el cuati, l’osu formigueru, el puma, el tucán, el páxaru campana,… Y onde hai munchos ríos pa xugar.

Ellí saben toles pallabres guaraníes coles que nomen a los animales, les coses y los xuegos. Saben tamién esguilar a los árboles más altos de la viesca, y saltar ente les piedres del ríu pa garrar el pexe d’oru que vive nel fondu de los pielgos.

Pa llectores de 4 a 9 años / 23 x 23 cm, 24 páxs. col.  / ISBN 978-84-947759-7-0 / PVP 12,00  / IBIC:  YFU (Cuentos infantiles), YXA (Cuestiones personales y sociales) 
Cola ayuda de la Conseyería d’Educación y Cultura del Principáu d’Asturies

 


“Ensin orde nin conciertu”, de Carlos González Espina y María Díaz Perera

Portada Ensin orde-PromociónHai munches persones que son fanátiques del orde. Esi nun ye’l casu de la protagonista d’esti cuentu. Ella ye más de dexar a les coses tranquiles. Nun-y gusta apurales nin estresales y da-yos llibertá y espaciu pa qu’atopen el so sitiu natural elles soles.

 


ISBN 978-84-947759-8-7 / PVP 12,00 / Pa llectores de 4 a 9 años. 23 x 23 cm, 24 páxs. col.  / IBIC:  YFU (Cuentos infantiles), YXA (Cuestiones personales y sociales). Cola ayuda de la Conseyería d’Educación y Cultura del Principáu d’Asturies

“Tres tigres per un trigal”, de Francisco Álvarez Velasco y Josefina Junco

Tres tigres ast

Esta hestoria nació d’un traballingües y d’un xuegu infantil colos brotos d’amapoles. Tres tigres allegres xueguen nun trigal. Al escurecer abellugen nun cabañu y vuélvense gatos. Pente’l trigal, a la lluz de la lluna, un coru de grillos, sapos flauteros, calandres, raitanes… Pero, ¡ai!, el día que vieno’l nublón…  De toes maneres…

Los versos de Francisco Álvarez Velasco van clisar a los neños y neñes y a tolos que-yos preste la bona poesía. La pintora Josefina Junco acompáñalu con precioses ilustraciones. Poeta y pintora punxeron equí’l so meyor arte y oficiu. El llector namás que tien qu’abrir los güeyos y da-y al rabil del maxín.

«Que tres yeren tres / los tigres allegres / qu’en mayu buscaben / brotos de les flores / per aquel trigal.»

Pa llectores de 4 a 9 años / Llingua: Asturianu  / 36 páxines, il. col.  29 x 22 cm / ISBN 978-84-947759-9-4 /  PVP 15,00€  / IBIC:  YYBLB1 – Aprendizaxe tempranu: los versos y les rimes. YBC – Álbumes ilustraos
Cola ayuda de la Conseyería d’Educación y Cultura del Principáu d’Asturies

“Coses amañoses”, de Carlos González Espina y María Díaz Perera

portada coses amañoses

Nun ye lo mesmo facer les coses solos que teniendo ayuda. Por eso yá diba siendo hora d’emponderar a esos grandes homes y muyeres que discurrieron les coses amañoses. Equí vais alcontrar un eloxu d’eses bones amigues que tanto nos faciliten la vida. Anque nun reparemos muncho nelles, nun sé que diba ser de nosotros si nun esistieren.

23 x 23 cm, 24 páxs. col.  / ISBN 978-84-947759-0-1 / PVP 12,00€
IBIC:  YFU (Cuentos infantiles), YXA (Cuestiones personales y sociales)  (4 a 9 años)
Cola ayuda de la Conseyería d’Educación y Cultura del Principáu d’Asturies

 


 

Aína y despacio, d’Irene Riera y Alicia Varela

Aína y despaciu-Cubierta

Delles coses hai que les facer poco a poco, despacino, pali que pali. Pero otres veces val más entainar tolo que seyamos a ello. D’eso ye de lo que trata esti llibru, la primer guía pa salir mundu alantre sabiendo en cada casu cuándo hai qu’espabilar y cuándo hai qu’aposentar.

23 x 23 cm, 26 páxs. col. / ISBN 978-84-946384-6-6 / PVP 12,00 €
IBIC:  YFU (Cuentos infantiles), YXA (Cuestiones personales y sociales) (4 a 9 años)
Cola ayuda de la Conseyería d’Educación y Cultura del Principáu d’Asturies

 


 

Como en casa en nengún llau, de Carlos González Espina y María Díaz Perera

Como en casa en nengún llau-Cubierta

¿A quién nun-y gusta viaxar, conocer xente, ver otros pueblos y ciudaes, vivir aventures? Pero cuánto nos presta llueu tornar pa casa, al calor del llar, el verdaderu centru del mundu, onde tan a gustu tamos y tanto nos afayamos. Dícenlo tolos que viven nesti llibru y con razón: como en casa en nengún llau.

23 x 23 cm, 24 páxs. col.  / ISBN 978-84-946384-8-0 / PVP 12,00 €
IBIC:  YFU (Cuentos infantiles), YXA (Cuestiones personales y sociales)  (4 a 9 años)
Cola ayuda de la Conseyería d’Educación y Cultura del Principáu d’Asturies

 


Don Quixote y la Princesa del Arbeyu, de Carlos González Espina y Alicia Varela

don-quixote-cubierta

Munchos fueron los alcuentros y les visiones que tuvo Don Quixote de la que baxó a la cueva de Montesinos. Pero hubo ún que naide nun contara hasta la fecha: el del inxeniosu caballeru de La Mancha y la Princesa del Arbeyu. De la guapísima princesa del reinu de Somerón escribióse muncho d’ellí p’alantre pero lo que nun se sabía ye que fuera Don Quixote’l primeru n’ayudala, namás quedar ablucáu pola so delicadeza y guapura. Enantes de despidise d’ella aconseyó-y non confundir la finura cola soberbia y portase cola llaneza que se-yos pide a les persones principales, que sonlo más polos sos méritos que pola cuna o trubiecu onde los echaron al nacer.

IBIC: YFU Cuentos (infantil / xuvenil)  /  Dende 8 años

Formatu: 21 x 21 cm. 24 páxs. Tapa dura

ISBN: 978-84-944718-7-2 / PVP: 12,00 euros

Cola ayuda de la Conseyería d’Educación y Cultura del Principáu d’Asturies

 


 

De par en par, de Marina Lobo

CUBIERTA DE PAR EN PAR

Andar siempre sola, o solu, pela vida nu diba ser bona idea pa naide. Pero hai coses qu’ensamás se dexen ver sueltes o soles. Tampoco les verás nuna apetiguñaes o a montones. Elles namás se presenten en sociedá xuncíes, de dos en dos, de par en par.

IBIC:  YBLA1 (Aprendizaxe tempranu: les primeres pallabres) / Prellectores (0 a 3 años)

Formatu: 16 x 16 cm. 24 páxs. color. Tapa dura

ISBN: 978-84-948795-5-5 / PVP: 10,00 euros

Cola ayuda de la Conseyería d’Educación y Cultura del Principáu d’Asturies

 


 

En filera, de Marina Lobo

Cubierta En filera

L’orde de les coses nun siempre tien que ser el mesmu. Delles veces presta veles toes amontonaes, apetiguñaes, o una per cada llau, pero otres veces tán muncho meyor les unes coles otres, bien puestes en filera.

IBIC:  YBLA1 (Aprendizaxe tempranu: les primeres pallabres) / Prellectores (0 a 3 años)

Formatu: 16 x 16 cm. 24 páxs. color. Tapa dura

ISBN: 978-84-948795-4-8 / PVP: 10,00 euros

Cola ayuda de la Conseyería d’Educación y Cultura del Principáu d’Asturies

 


 

Collacios inseparables, de Marina Lobo

cubierta-collacios-inseparables

Diz un refrán que tener un amigu ye tener un tesoru. Será por eso que dalgunos siempre anden xuntos pela vida. Y nun ye cosa namás de les persones, como vas ver nesti llibru. El mundu ta enllenu de collacios inseparables.

IBIC:  YBLA1 (Aprendizaxe tempranu: les primeres pallabres) / Prellectores (0 a 3 años)

Formatu: 16 x 16 cm. 24 páxs. color. Tapa dura

ISBN: 978-84-944718-9-6 / PVP: 10,00 euros

Cola ayuda de la Conseyería d’Educación y Cultura del Principáu d’Asturies

 


Enemigos íntimos, de Marina Lobo

cubierta-enemigos-intimos

Lo contrario d’un amigu ye un enemigu. Los enemigos nun se pueden ver unos a otros y por eso nunca quieren tar xuntos. Nesti llibru tampoco.

IBIC:  YBLF (Aprendizaxe tempranu: los contrarios) / Prellectores (0 a 3 años)

Formatu: 16 x 16 cm. 24 páxs. color. Tapa dura

ISBN:978-84-944718-8-9 / PVP: 10,00 euros

Cola ayuda de la Conseyería d’Educación y Cultura del Principáu d’Asturies

 

De la parte dientro, de la parte fuera, de Marina Lobo

De la parte dientro de la parte fuera

Yá dende bien pequeñinos ye mui importante saber qué val más: ¿quedar fuera o entrar adientro? Gracies a esti llibrín vas poder facete una idea.

21 x 21 cm, 24 páxs. (Primeros llectores)

ISBN 978-84-944346-8-6 / PVP 9,00 €

Cola ayuda de la Conseyería d’Educación y Cultura del Principáu d’Asturies

 


 

Perriba, perbaxo, de Marina Lobo

Perriba perbaxo Cub

Otra cosa qu’hai que saber dende pequeñinos ye poner cada cosa nel so sitiu (y conocer munchos nomes y pallabres, cuantos más, meyor).

21 x 21 cm, 24 páxs. (Primeros llectores)

ISBN 978-84-944346-7-9 / PVP 9,00 €

Cola ayuda de la Conseyería d’Educación y Cultura del Principáu d’Asturies

 


 

Aquel viaxe estraordinariu, de Lucía Tejerina y María Díaz Perera

Aquel viaxe cub

Esti llibru convídate a disfrutar d’un prestosu viaxe alredor del mundu. Cada vuelta de fueya ye un xiru al rodiu de la música y les lletres de los Beatles. Too nes sos precioses páxines ye un homenaxe a George, Ringo, Paul y John, la banda de los corazones solitarios.

ISBN 978-84-944346-5-5 / PVP 9,00€
Cola ayuda de la Conseyería d’Educación y Cultura del Principáu d’Asturies

 


 

Falar ensin parar, de Carlos González Espina y Marina Lobo

Falar ensin parar-Cubierta

Ente ser un poco charrana o quedase cola pallabra na boca, la protagonista d’esti cuentu tienlo mui claro. A otros da-yos por axuntar caxigalines inútiles, pero ella quier más axuntar pallabres.

IBIC:  YBC (Álbumes illustraos). 36 páxines, il. col. Álbum (29 x 22 cm) (de 4 a 9 años)

ISBN 978-84-941318-6-8 / PVP 15,00€

Cola ayuda de la Conseyería d’Educación y Cultura del Principáu d’Asturies

 


Frases feches y desfeches, de Carlos González Espina y Marina Lobo

cubierta-frases-feches

Esti llibru ye una guía pa viaxar pel abegosu mundu de les frases feches, les que vienen yá acabaes de fábrica. La fras fecha nun se dexa armar nin camudar como les normales, que les puedes inxertar o acuriosar según te preste más. Pa encima, hai que saber lleeles ente llinies porque lo que quieren dicir casi nunca nun ye lo que dicen de mano. Vas tener que da-yos munches vueltes pa facete con elles.

IBIC:  YBC (Álbumes illustraos). 36 páxines, il. col. 29 x 22 cm. Tapa dura. De 4 a 9 años.

ISBN:978-84-946384-1-1 / PVP: 15,00 euros

Cola ayuda de la Conseyería d’Educación y Cultura del Principáu d’Asturies

 


El llibru de les vocales, de Francisco Álvarez Velasco y Marina Lobo

Cubierta El llibru de les vocales

El llibru de les vocales

El llibru de les vocales ye obra del poeta Francisco Álvarez Velasco. Preséntase como’l primer títulu de la colección Fierabrás. Esta serie de la editorial Impronta llega en formatu álbum y con ilustraciones de Graffiti/Marina Lobo, que compaxina un estilu vintage con propuestes más novedoses. Los llectores nuevos van atopar nella textos caracterizaos pol amor al llinguaxe, a los cantares y a los xuegos de pallabres. El llibru de les vocales asítiase ente’l xeneru poéticu, les cosadielles y los cantares de siempre, coles cinco vocales del nuestru alfabetu como protagonistes. Un homenaxe a “Voyelles”, d’Arthur Rimbaud, sírve-y como pieslle cromáticu al libro.

IBIC:  YBC (Álbumes illustraos). 36 páxines, il. col. 29 x 22 cm. Tapa dura. De 4 a 9 años.

ISBN 978-84-941318-1-3 / PVP 15,00€

Cola ayuda de la Conseyería d’Educación y Cultura del Principáu d’Asturies

 


Teba, de Bernardo Lodares y Carmen Fernández

Teba-Cubierta

La guerra ente españoles traxo munches desgracies y llaceries. La fame nun fue más qu’una de les consecuencies d’aquella terrible guerra. Naquel mediu tiempu d’escuridá y llercia, emociona la pequeña historia d’una perra que nun sabía nada de guerres pero sí de fidelidá a toa preba.

21 x 21 cm, 24 páxs. (de 6 a 11 años) / ISBN 978-84-941318-9-9 / PVP 12,00 €
Cola ayuda de la Conseyería d’Educación y Cultura del Principáu d’Asturies

 


“La mar”, de Dolfo Camilo Díaz

Portada La mar

La mar (IX Premiu María Josefa Canellada de Lliteratura Infantil) ye una novela d’aventures si una aventura ye combatir a los yih.adistes, escondese de los mercenarios occidentales que trafiquen con persones, escapar de la fame… Y facer lo imposible por llegar a cumplir los trece o catorce años. La mar ye una denuncia, si nun te basta cola aventura.

«Lleer una obra de Dolfo Camilo Díaz ye quedar suspendíu nes redes que texe un soberbiu narrador, d’impecable técnica: engancha, apasiona.» (Jose Viale Moutinho).

Dolfo Camilo Díaz (Ayer, 1963), historiador y xestor cultural, ye ún de los más renomaos escritores y dramaturgos asturianos. Cuatro veces Premiu «Xosefa Xovellanos» (Añada pa un güeyu muertu, Diariu de Viaxe, Imago y Advenimientu), dos veces Premiu «Montesín» de Lliteratura Xuvenil (Khaos y Memorial del monstruu), Premiu de Novela de l’Academia de la Llingua, Premiu de Narración «Fernández Lema», Premiu de Teatru «Alejandro Casona».Como dramaturgu estrenó pieces tan señalaes como País o Muyeres inesperaes. Tamién destaquen les sos facetes como músicu (Inaux, Patrimoniu) o ensayista (El cine fantaterrorífico español; El teatru popular asturianu). Dolfo Camilo Díaz ta traducíu al castellanu, francés, inglés y portugués.

Coedición col Principáu d’Asturies / ISBN 978-84-947759-4-9 / PVP 12,00 € / Formatu 21 x 14 cm. Páxines 64, il. col.

 


Tatuaxes nel corazón, de Marisa López Diz y Ruma Barbero

Tatuaxes nel corazón-Cubierta

 

Un relatu, ilustráu por Ruma Barbero, que cuenta con muncha chispa les esmoliciones d’una rapaza de quince años que s’enfrenta a dellos problemes de personalidá y la so particular manera de resolvelos. Mui recomendable llectura pal públicu adolescente asturianu, que se va a entender de mieu cola protagonista d’esti llibru. Tien quince años, una llunar del tamañu d’una llenteya nel papu izquierdu y un piercing na nariz; suma los númberos de les matrícules de los coches, nun-y gusten nin Justin Biever nin Shakira nin la ropa de marca, pero sí’l rap, les pelis de mieu, los dibuxos manga, lleer y los frixuelos rellenos de chicolate, ¿o non? Pue ser que nun s’asemeye muncho a ti, igual nun vos presten les mesmes coses, pero a ella va da-y lo mesmo.

Marisa López Diz (Xixón, 1970) ye llicenciada en Filoloxía Hispánica y especialista n’asturianu y gallego-asturianu, llingües les dos —xunto col castellanu— nes qu’escribe davezu poesía y narrativa tanto pa neños como p’adultos. Tien ganao abondos premios lliterarios, ente los que destaquen el Fernán Coronas (1998), Cuentos pola Oficialidá del Asturianu (1998), l’Elvira Castañón (2001), el Premio Xeira (2007), el Premiu de la Crítica (2007), el de Poesía Minera (2012), Relatos de la Mar (2012) o l’Urogallo de Bronce del Centru Asturianu de Madrid (2013) na categoría de llingua asturiana, amás d’otros premios y menciones tanto n’Asturies como a nivel nacional. Nel xéneru poéticu tien les obres Tiempu de tristura (1998) y A terra esqueicida (2007), n’asturianu y gallego-asturianu respectivamente. En cuantes al xéneru infantil, publicó los llibros Poemes de Carambelu (2006), Binoca (2008), Poemas de Caramelo (2009, en castellanu), Malva y el paragües máxicu y Malva y el papapallabres (2010). Nel 2012 estrenó’l curtiumetraxe A fiya del xastre, que recibió’l premiu al meyor curtiumetraxe rodáu n’Asturies «Ribadedeva Rec» (2014). L’otru campu artísticu nel que trabaya ye la música: forma parte del dúu Mestura, col que tien cuatro discos publicaos, Agua del norte (2006), Poemes de Carambelu (2008, n’asturianu), Poemas de Caramelo (2013, en castellanu) y A terra esqueicida (2013, en gallego-asturiano), esti últimu inspiráu en poemes del so llibru homónimu.

Premiu María Josefa Canellada de Lliteratura Infantil y Xuvenil 2013
978-84-941318-5-1 / P.V.P. 10,00 euros
Cola ayuda de la Conseyería d’Educación y Cultura del Principáu d’Asturies

 


Valentín y el monte d’azucre, d’ Alfonso López Alfonso y Claudia González Lobo

 

Valentín-Cubierta

Al protagonista d’esti cuentu encánta-y escuchar histories pero présta-y más contales. Pa convencer a la madre de que les coses que siempre anda inventando discúrreles él solu, escribe’l cuentu de Valentín y el monte d’azucre. «Cerca de casa de los mios guelos hai un monte que tengo muncha gana de xubilu. Ye tan blancu que delles veces abúltame que ta fechu d’azucre…»

21 x 21 cm, 24 págs. (de 4 a 8 años)

ISBN 978-84-942941-1-2 / PVP 12,00 €

Cola ayuda de la Conseyería d’Educación y Cultura del Principáu d’Asturies