“Familia con autorretratu al fondu”, d’Aida Escudero

Familia con autorretratu al fonduPercorrer esti llibru nun ye una vuelta al ayeri, ye siguir el camín de la perda. Nun se trata d’allongar nel tiempu escenarios col envís de que siga vivo lo d’enantes, nun hai evocación, nin descripción, nin señardá. Lo que-yos da vida a los poemes de Familia con autorretratu al fondu ye l’ ausencia; esa ye la fuercia que xenera’l discursu, lo que favorez la necesidá de cuestionar el pasáu, d’ella xurde la incógnita sobre la propia identidá y, al tiempu, l’impulsu pa zarrar firíes, p’atopar consuelu y p’asumir la inseguranza de cualesquier futuru, porque vivir «nun ye coleccionar razones / nin arrastrar / masque con arguyu / l’ensame d’escuses del pasáu».

Aida Escudero (Uviéu, 1985) ye profesora de llingua y lliteratura española y asturiana. En 2017 estrenó la so andadura poética con Esti llugar qu’agora ye nuesu: poemariu neanderthal, premiu de la XXIV edición del «Fernán Coronas». Tien poemes espublizaos nes revistes Lliteratura, editada pola Academia de la Llingua Asturiana, Larius y Formientu. El presente poemariu, Familia con autorretratu al fondu, ganador del Premiu Asturias Xoven de Poesía 2017, ye la obra cola que s’estrena nes lletres asturianes.

ISBN 978-84-948795-0-0  /  PVP 8,00 €

Pedidos: https://goo.gl/hC0sNA

Anuncios

“Pallabres pa Martín”, de Cristian David López y Begmont

Portada Pallabres pa Martín-Promoción.jpg

Como güei ta lloviendo, el pequeñu Martín nun pue salir a pasiar. El pá entós entretiénlu contándo-y histories de cuando yera neñu, allá nel Paraguay, un país de viesques grandísimes onde viven l’armadillu, el cuati, l’osu formigueru, el puma, el tucán, el páxaru campana,… Y onde hai munchos ríos pa xugar.

Ellí saben toles pallabres guaraníes coles que nomen a los animales, les coses y los xuegos. Saben tamién esguilar a los árboles más altos de la viesca, y saltar ente les piedres del ríu pa garrar el pexe d’oru que vive nel fondu de los pielgos.

 

23 x 23 cm, 24 páxs. col.  / ISBN 978-84-947759-7-0 / PVP 12,00 
IBIC:  YFU (Cuentos infantiles), YXA (Cuestiones personales y sociales)  (4 a 9 años)
Cola ayuda de la Conseyería d’Educación y Cultura del Principáu d’Asturies

“Ensin orde nin conciertu”, de Carlos González Espina y María Díaz Perera

Portada Ensin orde-Promoción

Hai munches persones que son fanátiques del orde. Esi nun ye’l casu de la protagonista d’esti cuentu. Ella ye más de dexar a les coses tranquiles. Nun-y gusta apurales nin estresales y da-yos llibertá y espaciu pa qu’atopen el so sitiu natural elles soles.

23 x 23 cm, 24 páxs. col.  / ISBN 978-84-947759-8-7 / PVP 12,00 
IBIC:  YFU (Cuentos infantiles), YXA (Cuestiones personales y sociales)  (4 a 9 años)
Cola ayuda de la Conseyería d’Educación y Cultura del Principáu d’Asturies

“Tres tigres per un trigal”, de Francisco Álvarez Velasco y Josefina Junco

Tres tigres astEsta hestoria nació d’un traballingües y d’un xuegu infantil colos brotos d’amapoles. Tres tigres allegres xueguen nun trigal. Al escurecer abellugen nun cabañu y vuélvense gatos. Pente’l trigal, a la lluz de la lluna, un coru de grillos, sapos flauteros, calandres, raitanes… Pero, ¡ai!, el día que vieno’l nublón…  De toes maneres…

Los versos de Francisco Álvarez Velasco van clisar a los neños y neñes y a tolos que-yos preste la bona poesía. La pintora Josefina Junco acompáñalu con precioses ilustraciones. Poeta y pintora punxeron equí’l so meyor arte y oficiu. El llector namás que tien qu’abrir los güeyos y da-y al rabil del maxín.

«Que tres yeren tres

los tigres allegres

qu’en mayu buscaben

brotos de les flores

per aquel trigal.»

Pa llectores de 4 a 9 años / Llingua: Asturianu  / 36 páxines, il. col.  29 x 22 cm / ISBN 978-84-947759-9-4 /  PVP 15,00€  / IBIC:  YYBLB1 – Aprendizaxe tempranu: los versos y les rimes. YBC – Álbumes ilustraos
Cola ayuda de la Conseyería d’Educación y Cultura del Principáu d’Asturies

“Lo normal nun ye raro”, d’Irene Riera y Alicia Valera

Lo normal nun ye raro- cubiertaDe mano de les creadores de “Aína y despacio”, lléganos tamién “Lo normal nun ye raro”, un preciosu y prestosu álbum ilustráu que va ayudar a los primeros llectores a reparar nel fechu ciertu de que vivimos arrodiaos poles coses normales. Por eso cuando atopamos dalguna diferente, abúltanos raro. El casu ye qu’estremar ente lo normal y lo raro resulta bien importante si se piensa bien nello. Hai que tener criteriu propiu pa ello dende bien pequeños.

ISBN 978-84-947759-3-2  /  PVP 12,00 €
Formatu 23 x 23 cm, 24 páxs. col. Tapa dura. 24 páx. , il. col.
IBIC YFU (Cuentos infantiles)  YXA (Cuestiones personales y sociales)  5AG – Edá d’interés: dende 6 años

 

“La mar”, de Dolfo Camilo Díaz

Portada La mar

La mar (IX Premiu María Josefa Canellada de Lliteratura Infantil) ye una novela d’aventures si una aventura ye combatir a los yih.adistes, escondese de los mercenarios occidentales que trafiquen con persones, escapar de la fame… Y facer lo imposible por llegar a cumplir los trece o catorce años. La mar ye una denuncia, si nun te basta cola aventura.

«Lleer una obra de Dolfo Camilo Díaz ye quedar suspendíu nes redes que texe un soberbiu narrador, d’impecable técnica: engancha, apasiona.» (Jose Viale Moutinho).

Dolfo Camilo Díaz (Ayer, 1963), historiador y xestor cultural, ye ún de los más renomaos escritores y dramaturgos asturianos. Cuatro veces Premiu «Xosefa Xovellanos» (Añada pa un güeyu muertu, Diariu de Viaxe, Imago y Advenimientu), dos veces Premiu «Montesín» de Lliteratura Xuvenil (Khaos y Memorial del monstruu), Premiu de Novela de l’Academia de la Llingua, Premiu de Narración «Fernández Lema», Premiu de Teatru «Alejandro Casona».Como dramaturgu estrenó pieces tan señalaes como País o Muyeres inesperaes. Tamién destaquen les sos facetes como músicu (Inaux, Patrimoniu) o ensayista (El cine fantaterrorífico español; El teatru popular asturianu). Dolfo Camilo Díaz ta traducíu al castellanu, francés, inglés y portugués.

Coedición col Principáu d’Asturies
ISBN 978-84-947759-4-9 / PVP 12,00 €
Formatu 21 x 14 cm. Páxines 64, il. col.
IBIC FA – Ficción moderna y contemporánea
5AN – Edá d’interés: dende 12 años

 

 

“Indianu”, de Luis Navazo

Portada Indianu

“Indianu” ye un brillante cómic (ganador del VIII Premiu Alfonso Iglesias) que fai una interesantísima indagación nun aspectu mui oscuru de la nuestra historia: el tráficu d’esclavos africanos con destín a les Antilles, sobre’l que se forxaron non poques fortunes d’indianos. Les de los protagonistes son vides cruzaes, cuando non frañaes, en medio de les intrigues, la opresión y la violencia política de finales del sieglu XIX y anicios del XX, illuminaes pol riscar de la conciencia de clas y otra vuelta ensombrecíes pola Guerra Civil.

Luis Navazo (Raíces, Castrillón, 1976) ye dibuxante autodidacta y fotógrafu de formación. Estudió na Escuela d’Arte d’Uviéu y dende’l 2003 trabaya como fotoperiodista pa dellos medios y axencies nacionales: El Comercio, El Diario de Menorca, El Periódico de Cataluña, El Diario de Mallorca… Nel ámbitu audiovisual, desempeñó tamién llabores como operador de cámara pa los informativos de la Televisión del Principáu d’Asturies (TPA) y contribuyó a fundar la productora Zatopek Studio que, ente otros trabayos, creó’l programa 160 pulsaciones pa la mentada televisión autonómica. Anguaño vive en Xixón y desenvuelve la so actividá profesional compaxinando la docencia col so llabor d’ilustrador y autor de cómics.

ISBN 978-84-947759-1-8 / PVP: 15,00 euros  / Tapa dura, 72 páx. il. col
Coedición: Gobiernu del Principáu d’Asturies / Impronta