“Un home que cava”, de Ramón Lluís Bande

Esti ye’l cuadernu de bitácora d’un cineasta que, rodando pela vida, va apuntando na so llibreta lo que ve, lo que-y apurre l’aire de cada xornada, lo que llee o lo que-y cuenten los que lu acompañen nesti viaxe de circunnavegación al redor de sí mesmu. Y nun son unos pasaxeros cualquiera. Son Pasolini («Pasaron de moda les ideoloxíes y equí ta ún que sigue falando, nun se sabe yá de qué, a los homes que van nun se sabe ónde»), Manoel de Oliveira («Lo que l’artista ama son los abismos y p’amar los abismos fai falta tener ales»), Lucrecia Martel («El cine carez d’un mal, ta en manes d’una clase social na más»), Jean Epstein («El rostru que va dica la risa ye d’una guapura más guapa que la risa»), Erri de Luca («Anguaño siéntome como un convidáu nuna sociedá que nun reconozo»), James Benning («Cuando percorremos un paisaxe tresformámoslu»), Jonas Mekas («Nesti tiempu tamos obsesionaos cola grandiosidá. A mi interésame más lo pequeño, les coses que son cuasi invisibles»), Dziga Vertov («El trabayu creador ye’l más voluptuosu de los descansos»)… Pero tamién son José de Buspol, José de La Peral, Víctor el que marca los caballos, Tere que cuida d’un xatu, los vaqueiros d’alzada o Eladio Begega, que fizo él solu’l so primer vigulín y que sacó les semeyes más humanes a esti país. Ellos, los vivos y los muertos, la bona xente que fue dexando’l so rastru nel paisaxe proyectáu énte los güeyos del autor.

Ramón Lluis Bande (Xixón, 1972) ye cineasta y escritor. Con más d’una docena de llibros editaos, una bona parte de la so obra narrativa, escrita orixinalmente n’asturianu, alcuéntrase traducía al castellán nel volume Las habitaciones vacías (Caballo de Troya, 2010). Ente les sos películes destaquen títulos como El fulgor, Estratexa, De la Fuente, El Paisano, La carta de Bárbara, Equí y n’otru tiempu, El nome de los árboles, Vida vaquera, Aún me quedan balas para dibujar, Escoréu, Hotel Asturias o Cantares de una revolución. La so firma tamién s’alcuentra en videoclips pa músicos y grupos como Nacho Vegas, Manta Ray, Mus, Viva las Vegas, Nacho Álvarez o Losone. Nos últimos años desarrolla un intensu trabayu de collaboración cola televisión pública asturiana, TPA, pa la que creó y dirixó series documentales como Camín de cantares, Camín, Güelos o L’alzada. Dende 2007 dirixe nesa mesma cadena la revista audiovisual de cultura asturiana Pieces.

ISBN 978-84-121306-7-6 / THEMA DND, KNTC / PVP: 12,00 euros

“Cacique blancu”, d’Anxelu González

Narra esti llibru, con tol puxu y tola expresividá del llinguaxe del cómic, una d’eses páxines escaecíes de la historia qu’enxamás lleguen a pasar a los llibros d’historia. Ye la de José Fernández Cancio (1870-1950), un asturianu de Taramundi qu’emigrara a América del Sur, y que vivió ellí esperiencies estraordinaries, como la busca de los restos del esplorador vascu Pedro Enríquez Ibarreta ( 1859-1898) y del italianu Guido Boggiani (1861-1901).

X Premiu «Alfonso Iglesias» de Cómic / Coedición col Gobiernu del Principáu d’Asturies

ISBN 978-84-121306-1-4 / PVP 15,00 euros / IBIC / AKLC1

“El soldáu de plomu y la baillarina”, de H. C. Andersen

Versión en llingua asturiana d’Irene Riera. Ilustraciones de Alicia Varela.

Hans Cristian Andersen (1805-1875), el meyor escritor de cuentos infantiles de tolos tiempos, dexónos nesti relatu imperecederu una preciosa ayalga: la inolvidable y exemplar historia de valor, superación, respetu a la duferencia y, percima de too, d’amor, ente un soldáu de plomu y una baillarina de cartón.

ISBN 978-84-120609-5-9 / PVP 12,00 € / Pa llectores dende los 5 años / IBIC YBC – YFJ / Álbum ilustráu, tapa dura, 23 x 23 cm / Cola ayuda de la Conseyería d’Educación y Cultura del Principáu d’Asturies

“Siete cabrites, un llobu y el Gatu les Botes”, de J. y W. Grimm

Versión en llingua asturiana d’Irene Riera. Ilustraciones de David G. Ferrero.

Dos hermanos, Jacob y Wilhelm Grimm, son los autores d’esti cuentu nel que les protagonistes son tamién hermanes: siete cabrites revolvines que tien al so cargu una madre cabra esmolecida pola amenaza d’un llobu. Pero contra les males intenciones y les trampes que discurre’l llobu, va tar la intelixencia d’una cabrita y el sofitu d’un invitáu sorpresa, un gatu despistáu pero mui amigu d’ayudar a tol mundu.

ISBN 978-84-120609-8-0 / PVP 12,00 € / Pa llectores dende los 5 años / IBIC YBC – YFJ / Álbum ilustráu, tapa dura, 23 x 23 cm / Cola ayuda de la Conseyería d’Educación y Cultura del Principáu d’Asturies

“A soles”, de Marina Lobo

Delles coses y dalgunes persones anden siempre soles pela vida. Ye la so manera particular de ser y enxamás van cambiar.

ISBN 978-84-121306-3-8 / PVP: 10,00 euros / IBIC:  YBLA1 (Aprendizaxe temprano: les primeres pallabres) Prellectores (0 a 3 años)

Formatu: 16 x 16 cm. 24 páxs. color. Tapa dura

“A comuña”, de Marina Lobo

Hai coses y hai xente que tan avezaes a dir siempre n’ensame, en formación, en conxuntu y a comuña. Nun diben ser a facelo d’otra manera.

ISBN 978-84-121306-2-1 / PVP: 10,00 euros / IBIC:  YBLA1 (Aprendizaxe temprano: les primeres pallabres) Prellectores (0 a 3 años)

Formato: 16 x 16 cm. 24 páxs. color. Tapa dura

“Néctar dulce son los llevantos”, de Manuel García Menéndez

Nestes páxines hai sentimientos a batibarra, o meyor dicho, sentimientos llevaos al estremu. Asina, los personaxes allampen por tener nomadía o poder, o persiguen una vida llarga y feliz, o lluchen contra’l mieu que los engarrota. Otros paeceránnos patéticos, o egoístes, inorantes, vengatibles, cobardes, soberbiosos, vergoñosos, cobiciosos, estraordinarios… o fatos. A dalgunos xulgámoslos como poco de fiar mientres qu’otros resúltennos simpáticos a pesar de los sos defeutos. Por supuestu tamién los hai caritatibles y solidarios, arrogantes y virtuosos; anque tampoco los d’esti grupu nun suelen tener unes mires mui altes. En xeneral son muyeres y homes cenciellos, netos a munchos que conocemos na vida real, de cutiu los más desfavorecíos: inmigrantes, xubilaos, marxinaos, presos, enfermos, llocos… Los pocos que paecen trunfantes, en realidá namás algamen a tocar de raspión los gocios del trunfu.

Estes histories, o otres asemeyaes, pasaron o pueden llegar a pasar, si ye que nun tán pasando agora mesmo. Son dramátiques, anque’l dramatismu a veces resuélvese en risada. Pero ye esi tipu de risa que sabemos usar d’esconxuru, cuando nos rimos de lo cruel que ye la vida, de lo que nos cuesta vivila, d’esa parte mala qu’a veces nos toca vivir.

Manuel García Menéndez (Uviéu, 1962) ye llicenciáu n’Historia. Nos años ochenta publicó dos obres de lliteratura infantil na coleición Escolín de l’Academia de la Llingua Asturiana: Corcuspín el Rozcayeiru (1984) y Delina nel valle’l Faloupu (1985). Nel añu 2013 editó la que pue considerase la so primer novela: La Sienda del Amigu Feliz, que describe un viaxe iniciáticu pelos caminos y montes de l’Asturies de posguerra. Tres ganar, en 2018, la XXXIX edición del Premiu Xosefa Xovellanos de Novela con El visitante impropiu (Impronta, 2019), en 2019 publicó El faru de Gram, novela curtia d’ambiente nordic noir. En tou esti tiempu, dende que volviera a publicar nel 2013, siguió escribiendo cuentos o rellatos curtios como los qu’agora da a estampa en Néctar dulce son los llevantos.

ISBN 978–84–120609–7-3 / IBIC IBIC: FA / PVP: 12,00 euros

Cola ayuda de la Conseyería d’Educación y Cultura del Principáu d’Asturies.

“Capiellina colorada, el llobu feroz y el gatu les botes”, de Charles Perrault

Cubierta Capiellina colorada

Hai munches maneres de contar un cuentu, anque los cuentos de siempre préstanos que nos los cuenten como siempre, igual que la primer vez. Eso precisamente yera lo que taba faciendo l’autor con esti Capiellina colorada y el llobu feroz, cuando, de sópitu, metióse nél un intrusu inesperáu.

Versión en llingua asturiana d’Irene Riera. Ilustraciones de David G. Ferrero.

ISBN 978-84-120609-2-8 / PVP 12,00 € / Pa llectores dende los 5 años / IBIC YBC – YFJ / Álbum ilustráu, tapa dura, 23 x 23 cm / Cola ayuda de la Conseyería d’Educación y Cultura del Principáu d’Asturies

“Ricinos doraos y los tres osos tranquilos”, de Robert Southey

Cubierta Ricinos doraos

La neña rizosa y revolvina que protagoniza esti cuentu ye mui amiga de facer descubrimientos nel so tiempu llibre. Nada-y presta más qu’investigar nésto y naquéllo y esclucar pequí y pellí. Pero delles veces valía-y más dir con cuidáu. Por exemplu, nunca ye bona idea metese en casa de desconocíos ensin el so permisu. Suerte qu’esta vez los dueños yeren una familia d’osos mui pacíficos y tranquilos.

Versión en llingua asturiana d’Irene Riera. Ilustraciones de María Perera.

ISBN 978-84-949873-8-0 / PVP 12,00 € / Pa llectores dende los 5 años / IBIC YBC – YFJ / Álbum ilustráu, tapa dura, 23 x 23 cm / Cola ayuda de la Conseyería d’Educación y Cultura del Principáu d’Asturies

“Cállanos con esa música”, de Diego Solís

Cállanos con esa música-CubiertaCállanos con esa música ye un llibru distintu a los anteriores del autor, onde los poemes nun traten de conformar una estructura, sinón que son les composiciones d’un momentu puntual y crucial que dan pie a una poesía crítica y reflexiva pa col propiu llinguax y la propia poética. Poro, entemécense poemes n’asturianu y castellán, apaecen dalgunos clásicos que se reinterpreten y distintos enfoques críticos que rematen nuna búsqueda de la conexón pa cola tierra, cola paz interior: esa música que debía callanos y dacuando, por suerte, consíguelo.

Diego Solís (Xixón, 1991) graduóse en Lengua Española y sus Literaturas pola Universidá d’Uviéu y acabó’l máster n’Estudios Avanzaos en Lliteratura Española ya Hispanoamericana de la Universidá de Barcelona. Ye escritor en castellanu y asturianu, codireutor de la revista Formientu, autor del poemariu en castellán Hágase abril y del llibru de poemes n’asturianu Y el mundu marcha.

ISBN 978-84-949873-4-2  / PVP 10,00

Premiu Asturies Xoven de Poesía 2018