Bonos principios

Irene Riera (testos)
Lara G. Lobo (ilustraciones)
Lliteratura infantil (pa llectores de 4 a 9 años)
Llingua asturiana
24 páxines, il. col. 22 x 22 cm

La neña protagonista d’esta serie de cuentos reflexona sobre cualisquier asuntu col so mou particular d’enfocar les coses, siempre dende puntos de vista que resulten mui poco convencionales y con una visión del mundu tan desenfadada como enllena de bon humor. De mano, les sos reflexones pueden abultanos chocantes pero, nel fondu, tan cargaes de sentíu y sensibilidá.


cubierta-voi-ser-altisima

Voi ser altísima

Ser alta o ser altu ye cosa que tien munches ventayes pero también dalgún inconveniente. Sábelo bien la protagonista d’esti cuentu, que se ta preparando pa cuando seya grande (abúlta-y a ella que de mayor va ser altísima).

ISBN 978-84-946384-0-4
PVP 9,00€

 

Cubierta nun perder la llinia

Nun perder la llinia

La madre d’esti cuentu anda toa esmolecida porque diz que nun quier perder la llinia.
A la so fía esti asuntu abúlta-y mui importante pal mundu onde vivimos. Qué diba ser, por exemplu, del horizonte?, ¿cómo diben siguir bien aplomaos los edificios?, ¿qué pasaba coles amarres de los barcos?… si se perdiere la llinia. Nun ye d’estrañar que la madre ande tan esmolecida.

ISBN 978-84-944346-9-3
PVP 9,00€

 

Cubierta Fue ensin querer

Fue ensin querer

De xemes en cuando facemos les coses ensin querer, otres queriendo y delles veces «ensin queriendo». Ye bono saber que la voluntá mueve el mundu pero tamién que’l mundu nun siempre se mueve a la nuestra voluntá.

ISBN 978-84-944718-0-3
PVP 9,00€

 

Queridu día-Cubierta

Queridu día

L’ánimu que se precisa pa facer frente al nuevu día ye’l mesmu que fai falta pa entamar una aventura. Sábelo bien la neña d’esti cuentu: cualquier viaxe —el más cortu o la vuelta entera alredor del mundu— empiecen de la mesma manera, con un pequeñu pasu.
Llevantase de la cama y entamar un día nuevu ye dalgo bien costoso munches veces, como toos sabemos. Pero un esfuerzu como esi siempre tien premiu, sobre too si lo facemos col mesmu bon ánimu de la neña que protagoniza esti cuentu.

ISBN 978-84-941318-8-2
PVP 9,00€

 

Hai que tomar midíes-Cubierta

Hai que tomar midíes

La imprecisión con que falamos de munches coses nun-y gusta nada a la protagonista d’esti cuentu —seguramente una gran científica del futuru—, que se pon a discurrir nueves maneres pa midir como se debe coses tan importantes como los besos, los abrazos, les esmoliciones, los disgustos, les allegríes…
Nun sé si vos dais cuenta de lo poco preciso que ye la xente pa referise a munchos asuntos. Pero eso nun val pa la nuestra amiga: ella siempre mide bien les sos pallabres. Si toos ficiéramos lo mesmo, díbamos entendenos muncho meyor.

ISBN 978-84-942941-0-5
PVP 9,00€

 

Cubierta de Enantes de nacer yo

Enantes de nacer yo
Cuesta imaxinar cómo podíen esistir les coses enantes de nacer nosotros. Pero la verdá ye que la tierra nun esperó por naide pa ponese a dar vueltes. La protagonista d’esti cuentu sabe que nun ye’l centru del universu pero tampoco quier pasar pola vida ensin poner el so granu d’arena na Historia del Arte.

ISBN 978-84-941318-3-7
PVP 9,00€

 


 Cola ayuda de la Conseyería d’Educación y Cultura del Principáu d’Asturies
PERROS EN LA PLAYA

editorial de nueva literatura

Anaqueles polvorientos

editorial de nueva literatura

blog de CRISTIAN DAVID LÓPEZ

editorial de nueva literatura

Antón Castro

editorial de nueva literatura

Blog de Felipe Benítez Reyes

editorial de nueva literatura

FUEGO CON NIEVE

editorial de nueva literatura

Rima interna

editorial de nueva literatura

La Tormenta en un Vaso

editorial de nueva literatura

Libros y Bitios

editorial de nueva literatura

Paco Huelva

VISIONES DESDE EL SUR

editorial de nueva literatura

Argumentos en busca de autor

editorial de nueva literatura

Puentes de papel

editorial de nueva literatura

Blog de Álvaro Valverde

editorial de nueva literatura

ALMA EN LAS PALABRAS

editorial de nueva literatura

Hemeroflexia

editorial de nueva literatura

Blog de Rafael Reig

editorial de nueva literatura

CRISIS DE PAPEL

editorial de nueva literatura

Café Arcadia

editorial de nueva literatura

A %d blogueros les gusta esto: