“Tres tigres per un trigal”, de Francisco Álvarez Velasco y Josefina Junco

Tres tigres astEsta hestoria nació d’un traballingües y d’un xuegu infantil colos brotos d’amapoles. Tres tigres allegres xueguen nun trigal. Al escurecer abellugen nun cabañu y vuélvense gatos. Pente’l trigal, a la lluz de la lluna, un coru de grillos, sapos flauteros, calandres, raitanes… Pero, ¡ai!, el día que vieno’l nublón…  De toes maneres…

Los versos de Francisco Álvarez Velasco van clisar a los neños y neñes y a tolos que-yos preste la bona poesía. La pintora Josefina Junco acompáñalu con precioses ilustraciones. Poeta y pintora punxeron equí’l so meyor arte y oficiu. El llector namás que tien qu’abrir los güeyos y da-y al rabil del maxín.

«Que tres yeren tres

los tigres allegres

qu’en mayu buscaben

brotos de les flores

per aquel trigal.»

Pa llectores de 4 a 9 años / Llingua: Asturianu  / 36 páxines, il. col.  29 x 22 cm / ISBN 978-84-947759-9-4 /  PVP 15,00€  / IBIC:  YYBLB1 – Aprendizaxe tempranu: los versos y les rimes. YBC – Álbumes ilustraos
Cola ayuda de la Conseyería d’Educación y Cultura del Principáu d’Asturies
Anuncios

2 comentarios en ““Tres tigres per un trigal”, de Francisco Álvarez Velasco y Josefina Junco

Los comentarios están cerrados.